Қазақмыстың басшылығы тәжірибелі басқарушылар мен тау-кен өндірісі саласындағы кәсіби   мамандардан жасақталған. Олар туралы ақпаратты өмірбаяндарынан оқып біле аласыздар.

Владимир Сергеевич Ким
Казақмыс Президенті

«KazakhmysHolding» (Казахмыс Холдинг) ЖШС Президенті

Владимир Сергеевич Ким 1960 жылы дүниеге келген. 1982 жылы Алматы сәулет-құрылыс институтының «инженер-құрылысшы» мамандығын тәмамдаған. Америка Құрама Штаттарындағы Кеннеди атындағы Батыс университетінде дәріс алып, экономика, қаржы және маркетинг саласынан машықтануды ( сынақ мерзімін) Корея, ГФР, Швейцария елдерінде   өтті. Бизнес саласы мен әкімшілік басқару докторы, техника ғылымдарының кандидаты.

Компаниядағы жұмысын 1995 жылы «Жезқазғантүстімет» АҚ басқарушы директоры және бас атқарушы директоры болып бастаған. Ал, 2000 жылдың желтоқсанында аталған компанияның директорлар кеңесінің төрағасы болып сайланды.

2005 жылы Владимир Сергеевич Лондон биржасындағы өз акцияларын тіркеген алғашқы компания – Қазақмыс тобы директорлар кеңесінің төрағасы болып сайланды.

2005 жылдан 2013 жылдың мамыр айына дейін ол Қазақмыс компаниясы директорлар кеңесінің төрағасы лауазымында жұмыс істеді. Қазіргі уақытта «Kazakhmys Holding» (Казахмыс Холдинг) ЖШС Президенті.

Эдуард Викторович Огай
«Қазақмыс корпорациясы» ЖШС  директорлар Кеңесінің  Төрағасы
 

 «KazakhmysHolding (Казахмыс Холдинг)» ЖШС-нің  директорлар  Кеңесінің  Төрағасы

 Эдуард  Викторович  1969  жылы  дүниеге  келген. 1998  жылы  Қазақ мемлекеттік  аграрлық  университетін,  экономист – менеджер  мамандығы   бойынша  тамамдаған. Мәскеу мемлекеттік  тау-кен  институтында  (МГГУ)  «Ашық тау-кен  жұмыстары»   (2003-2004), ал Ресей  Федерациясы Үкіметі  жанындағы  халық  шаруашылығы Академиясында   « Қаржы  және  экономика  директоры»  (2003-2004),  және «Тау-кен,  минералды-шикізат халықтық  университетінде ( Санкт-Петербург) «Кенді  даярлаудың, байытудың және  шикізатты  гидрометаллургиямен  өңдеудің  заманауи  технологиялары»  (2015) бағдарламалары  бойынша кәсіби  шеберлігін  шыңдаған.

Эдуард Викторович еңбек  жолын  2001 жылы Қазақмыс  тобында халықаралық  қатынастар және  маркетинг салаларының директоры  қызметінен бастады, ал  2005  жылдан  бастап корпоративтік  дамыту  директоры.

2006  жылы Эдуард  Викторович  Қазақмыс  тобының салалы  компаниясы «Қазақмыс  корпорациясы» ЖШС-нің  басқарма  төрағасы  болып  тағайындалды.

Қазіргі  кезде  «КazakhmysHolding (Казахмыс Холдинг)»  директорлар  Кеңесінің  Төрағасы  және   «Казахмыс корпорациясы» ЖШС-нің  директорлар Кеңесінің  Төрағасы  қызметтерін  атқарып  жүр.

Амангелді  Мұхамедқалиұлы  Минигулов

"Қазақмыс корпорациясы" ЖШС Кен-байыту кешенінің Бас директоры

Амангелді Мұхамедқалиұлы  1968 жылы дүниеге келген. 1990 жылы Балқаш кен-металлургиялық техникумын «Кенді және кенсіз орындарды ашық өңдеу», 1996 жылы Қазақ ұлттық техникалық университетін «Пайдалы қазбалары бар кен орындарын жер асты өңдеу» мамандықтары бойынша    бітірді.

 2013 -2014 жылдары «МИСиС» «Ұлттық зерттеу технологиялық университетінде «Ашық тау-кен жұмыстары» бағдарламасы бойынша арнайы дайындықтан өтті.

«Қазақмыс» корпорациясындағы еңбек жолын 1996 жылы участок бастығының орынбасары қызметінен бастаған.

1999 жылы корпорацияның  Батыс-Жезқазған кенішінің директоры болып тағайындалды.

 2000 жылдан Оңтүстік-Жезқазған кенішінің директоры болды.

2009 жылы «Қазақмыс корпорациясы» ЖШС «Балқаштүстімет» ӨБ филиалының бас директоры болып тағайындалды. «Шығыстүстімет» ӨБ, «Қарағандытүстімет» ӨБ, «Жезқазғантүстімет» ӨБ  басқарды.

2015 жылы «Қазақмыс корпорациясы» ЖШС жобалар жөніндегі директоры қызметін атқарды.  

Қазіргі таңда «Қазақмыс корпорациясы» ЖШС  Кен-байыту кешенінің Бас директоры.

Владимир Викторович Джуманбаев

«Kazakhmys Holding (Қазақмыс Холдинг)» ЖШС

Отын-энергетикалық кешенін басқару жөніндегі директоры – Атқарушы органының (Директорлар кеңесі) мүшесі

Владимир Викторович 1973 жылы туған. 1994 жылы Қазақ мемлекеттік академиясын «Экономист» біліктілігін тағайындаумен «Маркетинг және коммерция» мамандығы бойынша аяқтады.

Еңбек жолын 1994 жылы бастады. Әртүрлі кезеңдерде әртүрлі компанияларда жетекші маманнан бастап бас директорға дейінгі лауазымдарды атқарды.

2006 жылдан бастап «Қазақмыс корпорациясы» ЖШС қаржы директоры болып жұмыс істеді.

2006 - 2018 жылдар аралығындағы кезеңде «Қазақмыс корпорациясы» ЖШС-да Басқарманың қаржылық-экономикалық мәселелер бойынша вице-төрағасы, Басқарманың корпоративтік даму бойынша вице-төрағасы, Шығыс Қазақстан бойынша басқарушы директор, коммерциялық директор, стратегиялық даму жөніндегі директор болып қызмет атқарды.

Қазіргі уақытта «Kazakhmys Holding (Қазақмыс Холдинг)» ЖШС Отын-энергетикалық кешенін басқару жөніндегі директоры – Атқарушы органының (Директорлар кеңесі) мүшесі лауазымын атқарып отыр.