Егер Сізде «Қазақмыс» компаниялар Тобының ішкі актілерінің және/немесе Қазақстан Республикасының нормативтік құқықтық актілерінің нақты бұзылғаны немесе ықтимал бұзылғаны туралы мәліметтер болса, Сіз "Speak Up" қызметіне хабарласа      аласыз, ол қызмет өтініштерді үш түрлі тәсілмен қабылдай алады: 1) 8-800-080-8089 қоңырау шалу (ұялы, жұмыс, үй телефоны сияқты кез келген телефон түрінен                  қоңырау шалу тегін); 2) [email protected] электронды жәшігіне электронды хат жолдау; 3) «Қазақмыс корпорациясы» ЖШС Кеңсесі (Қарағанды қ., Ленин к-сі, 12, индекс 100000) арқылы «Қазақмыс корпорациясы» ЖШС Құқықтық бақылау департаменті директорының атына хаттың қағаз нұсқасын жолдау ("SpeakUp" қызметі үшін  белгісімен). "Speak Up" қызметі жолдаушының аты көрсетілмеген өтініштерді де қарайтынын да атап айтамыз (өтініш беруші өз Т.А.Ә. көрсету міндетті емес, өтініш беру кезінде көрсетілген кез келген байланыс деректері тек қана әрекет етуші қызметтің қарауында қалады).

"Speak Up" қызметін «Қазақмыс корпорациясы» ЖШС Басқарма Төрағасының қарамағында тұрған «Қазақмыс корпорациясы» ЖШС Құқықтық бақылау департаменті   басқарады, ол Сіздің өтінішіңізді қарау нәтижелері бойынша оны бейіндік құрылымдық бөлімшенің қарауына беру (алынған материалдарды әрі қарай тәуелсіз зерттеу  арқылы) туралы шешім қабылданады немесе Департаменттің өз күшімен барып тексеріледі. Өткізілген тексеру нәтижелері бойынша,  Сіздің хабарлаған ақпаратыңыз расталған жағдайда, бұзушылықтарды жоюға бағытталған түзету әрекеттері,                  сондай-ақ келешекте ұқсас бұзушылықтарға жол бермеу мақсатында ескерту сипатындағы әрекеттер жасалады. Сонымен қатар, «Қазақмыс» компаниялар Тобы жұмыскерлерінің кінәсі бойынша бұзушылықтарға жол берілген жағдайда оларға тәртіптік жазалау шаралары қабылданады. Сіздің өтінішіңізді қарау нәтижелері туралы Сіз ауызша түрде "Speak Up" қызметіне қайта жүгіну арқылы немесе байланыс деректеріңіз (Т.А.Ә., ақпаратты жолдау мекенжайы)  көрсетілген жағдайда жазбаша түрде ала аласыз. Өтініштер «Қазақмыс корпорациясы» ЖШС ішкі жергілікті актілеріне сәйкес және келесі мерзімдердің шегінде қарауға жатады:      1) тексеруді өткізу қажеттілігі болмаған жағдайда - 15 күнтізбелік күн; 2) тексеру іс-шараларын өткізу қажет болған жағдайда - 30 күнтізбелік күн; 3) қосымша тексерулер өткізу немесе құжаттаманы зерделеу қажет болған жағдайда - 60 күнтізбелік күн.

«Қазақмыс корпорациясы» ЖШС Құқықтық бақылау департаменті «Қазақмыс» компаниялар Тобының сыбайлас жемқорлыққа қарсы іс-қимыл саласындағы  бейіндік бөлімшесі болып табылады. Сіз оған сыбайлас жемқорлыққа қарсы талаптарды жүзеге асыру шеңберінде пайда болатын кез келген сұрақтарды түсіндіру үшін өтіне аласыз. Сіз келесі байланыс телефондары бойынша хабарласа аласыз 8(7212) 95-27-50 (Ішкі бақылау және талдау басқармасының бастығы - Штергер Ж.Ф.), 8(7212) 95-27-96, +7-775-307-1567 (Сыбайлас жемқорлыққа қарсы іс-қимыл саласында бақылау бөлімінің бастығы - Котлярова Н.В.), 8(7212) 95-27-51, +7-701-255-7517 (Бас маман - Сергеев С.В.), 8(7212) 95-27-56, +7-701-594-53-55 (Бас маман – Байканова Д.Д,)

«Қазақмыс» компаниялар Тобында сыбайлас жемқорлыққа қарсы іс-қимылға айтарлықтай көңіл бөлу бірнеше факторлармен, атап айтқанда: 1) «Қазақмыс» компаниялар Тобына кіретін заңды тұлғалар экстерриториалды сипаттағы, сыбайлас жемқорлықты кеңінен қамтып қарайтын Ұлыбританияның 2010 ж. «Парақорлық туралы» Заңының субъектісі болып табылады, жеке алғанда сыбайлас жемқорлық деген түсінікке корпоративтік алаяқтықтың баламасы, түрлі басымдықтар алу мақсатында жеке және заңды тұлғалардың (мемлекеттік ұйымдарға, лауазымды тұлғаларға және т.б. қатысы жоқ) пара беру мүмкіндігі және т.б. жатады; 2) «Қазақмыс» компаниялар Тобы жоғары басшылығының өз қызметін барынша айқын жүргізу арқылы ұйымдастыру ниетімен; 3) заңды тұлғалардың жауапкершілігін күшейту, «сыбайлас жемқорлық» түсініктік аппаратын кеңейту және т.с.с. ұсынылатын ЭЫДҰ ұсыныстары есебімен қоса Қазақстан Республикасының сыбайлас жемқорлыққа қарсы іс-әрекетті жетілдіруге жүйелі түрде бағытталуымен түсіндіріледі.   

«Қазақмыс» компаниялар Тобының сыбайлас жемқорлыққа қарсы іс-қимыл жасауға бағытталған негізгі жергілікті актісі – 30.09.2015 ж. № 01-КН/21 шешіммен бекітілген "Kazakhmys Holding (Қазақмыс Холдинг)" ЖШС сыбайлас жемқорлыққа қарсы іс-қимыл туралы кодексі, онымен Сіз тиісті құрылымдық бөлімшенің Кадрлар бөлімі арқылы міндетті түрде танысуға тиістісіз. Сыбайлас жемқорлыққа қарсы іс-қимыл бөлігіндегі барлық қалған жергілікті актілермен Сіз өзіңіздің тікелей басшыңыз арқылы танысуыңыз керек немесе оларды тиісті құрылымдық бөлімшенің заң қызметінен (бөлігін) немесе «Қазақмыс корпорациясы» ЖШС Құқықтық бақылау департаментінен (толық көлемде) ала аласыз. 

Сұрақ

Мен шарт бойынша куратормын және оны жасау барысында контрагент Парақорлықпен және сыбайлас жемқорлықпен күрес туралы заңнаманың сақталуы бойынша толтырылған Сауалнаманы толтырудан (немесе оны жартылай толтырады) немесе шарт жобасына Сыбайлас жемқорлыққа қарсы ескертпені енгізуден бар тартады. «Қазақмыс» компаниялар Тобының бейіндік қызметтері аталған құжаттардың болмауын ескерту ретінде тіркейді, қандай шаралар қолдану керек?  

Жауап

Контрагенттің «Қазақмыс» компаниялар Тобыныңсыбайлас жемқорлыққа қарсы талаптарын сақтаудан бас тартуының әр жеке фактісінде шартты жасау бойынша әрекетті әрі қарай жалғастыру мүмкіндігі «Қазақмыс корпорациясы» ЖШС Құқықтық бақылау департаментімен келісілуі керек. Аталған келісімнің мақсаттары үшін Сізге шарт жобасын, нақты контрагентпен аталған шартты жасау қажеттілігінің негіздемесімен, сондай-ақ контрагентпен хат алмасуды (болған жағдайда) қоса беру арқылы «Қазақмыс корпорациясы» ЖШС Құқықтық бақылау департаменті директорының   (Алдабергенов И.К.) атына IBM Lotus Notes бағдарламасын қолдану арқылы сұраным ресімдеу қажет, тіпті болмағанда (құрылымдық бөлімшеде тиісті бағдарламалық қамтамасыздандыру болмаған жағдайда) аталған сұранымды басшының электронды поштасына (MS Outlook) жолдау керек.

Сұранымға құрылымдық бөлімшенің басшысы қол қоюы тиіс. Сіздің сұранымыңыздың негізінде «Қазақмыс корпорациясы» ЖШС Құқықтық бақылау департаменті үш жұмыс күнінің ішінде контрагентпен шарт жасау әрекетін жалғастыру мүмкіндігі/мүмкін еместігі туралы тиісті түсіндірме дайындайды (егер түсініктеме дайындау барынша қысқа мерзімде қажет болса, онда аталған мәліметтер сұраным мәтінінде немесе кез келген қол жетімді тәсілмен жауапты жұмыскерді хабарландыру арқылы хабарлануы тиіс).

«Қазақмыс корпорациясы» ЖШС Құқықтық бақылау департаментінен алынған оң келісім аталған контрагенттен бейіндік қызметтердің барлық ескертулерін шешу үшін негіздеме болып табылады және Сізге аталған шартты жасау мүмкіндігін береді, алайда, теріс келісім болған жағдайда – аталған шартты жасау «Қазақмыс» компаниялар Тобының сыбайлас жемқорлыққа қарсы іс-қимыл саласындағы ішкі жергілікті актілерін бұзу болып табылады

«Қазақмыс» компаниялар Тобында мүдделер қақтығысын басқару бойынша негізгі декларативтік құжат болып табылады, бұл кезде, мүдделер қақтығысын ашу, басқару және құжаттау рәсімі ж. № 01-КН/6 шешіммен бекітілген "Kazakhmys Holding (Қазақмыс Холдинг)" ЖШС мүдделер қақтығысын басқару регламентімен бекітілген.

Мүдделер қақтығысы деп жұмыскердің мүддесі оған лауазымдық міндеттерін адал орындауға ықпал ететін немесе ықпал етуі мүмкін және жеке басының мүддесі мен «Қазақмыс» компаниялар Тобының заңды мүдделерінің арасында қарама-қайшылық пайда болатын немесе пайда болуы мүмкін жағдайды айтамыз. Мысал ретінде, Сіз өзіңіздің жақын туысыңыздың бастығы болуыңыз мүмкін, оған сыйақы беру немесе оның жұмыс сапасын талдау сұрақтарына жауап бересіз.

Сізде мүдделер қақтығысы немесе оның көрінісі пайда болған жағдайда Сізге 1) мүдделер қақтығысын ашу туралы тиісті нысанды толтыру (Мүдделер қақтығысын басқару регламентінің А нысаны немесе Б нысаны, жағдайға қарай); 2) орын алған немесе әлеуетті мүдделер қақтығысы туралы өзіңіздің тікелей басшыңызға хабарлау және аталған мүдделер қақтығысын жою бойынша шаралар қабылдау (қажеттілігіне қарай); 3) мүдделер қақтығысын өз бетінше реттеу мүмкін болмаған жағдайда – «Қазақмыс корпорациясы» ЖШС Құқықтық бақылау департаментінің (Алдабергенов И.К.) атына хат жолдау арқылы аталған мәселені   "Kazakhmys Holding (Қазақмыс Холдинг)" ЖШС сыбайлас жемқорлыққа қарсы іс-қимыл мәселелері бойынша Жұмыс тобының шығару қажет.  

А және Б нысандары мүдделер қақтығысын ашуға бағытталған, бірақ әртүрлі қолданылады, жеке алғанда А нысаны айрықша анықталған жағдайларда ғана қолданылады, атап айтқанда: 1) жұмысқа қабылдау кезінде; 2) персоналды міндетті аттестаттаудан өткізу шеңберінде; 3) басқа құрылымдық бөлімшеге тағайындау немесе ауыстыру кезінде; 4) жаңа лауазымға (жоғары тұрған) тағайындау немесе ауыстыру кезінде; 5) «Қазақмыс» компаниялар Тобының бақылаушы қызметтерінің талабы бойынша. Б нысаны өзге де әдеттегі жағдайларда мүдделер қақтығысы (нақты немесе әлеуетті) пайда болған кезде қолданылады.  

Сұрақ

Мен тек Қазақстан Республикасының заңды құзырында тұрған «Қазақмыс» компаниялар Тобының жеткізушісі немесе өзге контрагенті болып табыламын. Мен не үшін қандай да бір қосымша құжаттарды толтырып, шарт жобаларына сыбайлас жемқорлыққа қарсы ережелерді енгізуім керек?  

Жауап

«Қазақмыс» компаниялар Тобыныңбарлық жеткізушілерінің, мердігерлерінің және өзге контрагенттерінің Парақорлықпен және сыбайлас жемқорлықпен күрес туралы заңнаманы сақтау бойынша сауалнаманы толтыру, сондай-ақ шарттардың жобаларына сыбайлас жемқорлыққа қарсы ережелерді енгізу бойынша міндеттемесі «Қазақмыс» компаниялар Тобының жергілікті актілерімен Ұлыбританияның 2010 ж. «Парақорлық туралы» Заңын сақтау қажеттілігінен пайда болған.  

Аталған талап жеке нормативтік-құқықтық актілермен реттелетін ерекше мәмілелерді қоспағанда барлық контрагенттер үшін міндетті болып табылады, және оны орындамаған жағдайда – қандай да бір мәмілені жасаудан бас тарту, контрагентті «Қазақмыс корпорациясы» ЖШС тауарларды, жұмыстарды және қызметтерді электроды сатып алу жүйесінің қатысушысы ретінде тіркеу үшін негіздеме болып табылады.